माघ १४ देखि कोरोनाविरुद्धको खोप लगाउन सुरु गर्ने प्रधानमन्त्री ओलीको भनाइ

6

काठमाण्डाै – प्रधानमन्त्री केपी शर्मा ओलीले आगामी बुधबारदेखि कोरोना भाइरसविरुद्धको खोप लगाउन सुरु हुने बताउनुभएको छ ।

सशस्त्र प्रहरी बलको २० औँ स्थापना दिवसका अवसरमा भएको कार्यक्रममा प्रधानमन्त्री ओलीले आगाउँदाे बुधबार अर्थात् माघ १४ गतेबाट कोरोना भाइरसविरुद्धको खोप लगाउन सुरु गर्ने बताउनुभएको हो । खोप कार्यक्रमका लागि समूह तयार पारिसकेको उहाँले बताउनुभयो ।

कोरोनालाई पराजित गर्ने अभियानको सुरुवात भइसकेको र नियन्त्रणको टर्निङ प्वाइन्टमा पुगेको प्रधानमन्त्री ओलीको भनाइ छ । उहाँले पहिलो चरणमा अग्रभागमा रहेर कोरोनाविरुद्ध खटिएका व्यक्तिलाई खोप लगाइने बताउनुभयो ।

साथै पर्याप्त खोप नआइसकेकाले अझै केही महिना सावधानी अपनाउन प्रधानमन्त्री ओलीले सबैमा आग्रह गर्नुभएको छ ।

Facebook Comments

https://pahilosandesh.com/wp-content/uploads/2020/05/How-To-Prevent-COVID-19_NEP1-1542x2048.jpg